ڈیفنس میں اووسیز پاکستانی خاتون کولوٹنے والی ملازمہ ساتھی سمیت گرفتار

لاہور (کرائم رپورٹر) لاہور پولیس نے ڈی ایچ اے کی رہائشی اوور سیز پاکستانی خاتون کے ساتھ واردات کرنے والے ملزم 24 گھنٹوں میں گرفتار کر لئے۔متاثرہ شہری فاطمہ ظفر نےفیملی کے ہمراہ سی سی پی او لاہور ایڈیشنل آئی جی فیاض احمد دیو سے کیپٹل سٹی پولیس ہیڈ کوارٹرز میں ملاقات کی۔فاطمہ ظفر اور ان کے اہل خانہ نے ریکارڈ ٹائم میں ملزمان کی گرفتاری پر سی سی پی او لاہور فیاض احمد دیو کا شکریہ ادا کیا۔سی سی پی او لاہور فیاض احمد دیو نے ملزمان ریکارڈ مدت میں گرفتار کرنے پر ایس پی سی آئی اے عاصم افتخار اور ان کی ٹیم کو شاباش دی ہے۔ ملزمہ ثوبیہ عرصہ تین سال سے فاطمہ ظفر کی رہائش گاہ پر گھریلو ملازمہ تھی ثوبیہ نے پڑوسی ڈرائیور شہزاد کے ساتھ مل کر واردات کی پلاننگ کی۔