خرم نواز گنڈاپورسے منظور وٹو کی ملاقات بلدیاتی انتخابات پرتبادلہ خیال

لاہور(خبر نگار) پاکستان عوامی تحریک کے سیکرٹری جنرل خرم نواز گنڈا پور کی سابق وزیر اعلیٰ پنجاب میاں منظوروٹو سے ملاقات کی ۔دونوں راہنمائوں نے متوقع بلدیاتی انتخابات پر تبادلہ خیال کیا۔ میاں منظور احمد وٹو نے کہا کہ بلدیاتی اداروں کے بغیر جمہوریت مکمل نہیں ہوتی مالی و انتظامی اعتبار سے بااختیار اداروں کا قیام ایک آئینی تقاضا ہے۔ خرم نواز گنڈا پور نے اس موقع پر گفتگو کرتے ہوئے کہا کہ عالمی سطح پر پیٹرولیم مصنوعات کی قیمتوں میں پندرہ فیصد سے زائد کمی ہو چکی ہے اس کمی کا فائدہ عام آدمی کو بھی پہنچنا چاہیے۔ مہنگائی کی وجہ سے کم آمدنی والے شہری مشکلات کا شکار ہیں۔