ظہیرعباس نے اسپورٹس ڈیپارٹمنٹس ختم کرنے کے فیصلے کی مخالفت کردی

لاہور ( آن لائن ) سابق کپتان ظہیر عباس نے وزیر اعظم عمران خان کے اسپورٹس ڈیپارٹمنٹس ختم کرنے کے فیصلے کی مخالفت کردی ہے۔ان کا کہنا ہے کہ ماضی میں میرا اور عمران کا یہی جھگڑا رہتا تھا کہ وہ ڈیپارٹمنٹس کو پسند نہیں کرتے تھے۔عمران خان کو یہ سمجھنا چاہیے تھا کہ ڈیپارٹمنٹس سے لوگوں کی روزی چل رہی تھی اس بارے میں دوبارہ سوچنا چاہیے، عمران خان کو سپورٹس کیلئے کچھ نا کچھ ضرور اچھا کرنا چاہیے تاکہ ان کو دنیا یاد رکھے۔عمران خان سے بہت امید ہے کہ وہ کرکٹ کے لئے بہتر کام کریں گے۔