کشمیریوں کی قربانیوں کا سلسلہ جاری، مسئلہ اب حل ہونا چاہئے، بیرسٹر سلطان

راولپنڈی (نیوز ایجنسیاں )صدر آزاد کشمیر بیرسٹر سلطان محمود چوہدری نے کہا ہے کہ عالمی برادری سمجھ چکی ہے کہ مسئلہ کشمیر کے حل تک خطہ میں امن نہیں ہو سکتا ، کشمیریوں کی قربانیوں کو دیکھتے ہوئے کہتے ہیں کہ اب اس مسئلہ کو حل ہو جانا چاہئے،مقبوضہ کشمیر کے لوگ مسلسل قربانیاں دےر ہے ، کشمیر کی آزاردی پر ہم سب متحد ہیں ، ہمیں بین الاقوامی فورم پر ایگریسیو انداز اختیار کر کے یورپی یونین اور دیگر ممالک کو اپنا پیغام دینا ہوگا، ان خیالات کا اظہار انہوں نے گزشتہ روز کشمیر کانفرنس سے خطاب کرتے ہوئےکیا۔ صدر آزاد کشمیر بیرسٹر سلطان نے کہاکہ کشمیر کی آزاردی کی بات پر ہم سب ایک ہیں ۔