سابق جج جسٹس شوکت عزیز صدیقی کا بطور وکیل لائسنس بحال

لاہور(وقائع نگار خصوصی) پاکستان بار کونسل نے سابق جسٹس شوکت عزیز صدیقی کا سپریم کورٹ میں وکالت کا لائسنس بحال کردیا،مراسلہ جاری کردیا گیا۔ انرولمنٹ کمیٹی کا اجلاس جسٹس قاضی فائز عیسیٰ کی صدارت میں ہوا ارکان سید قلب حسن،اعظم نذیر تارڑ و دیگران نے شرکت کی ، کمیٹی نے قرار دیا کہ سپریم جوڈیشل کونسل نے شوکت عزیز صدیقی کو نہ اخلاقی اور نہ کرپشن کی بنیاد پر ہٹایا لہٰذا ان کا لائسنس بحال کیا جاتا ہے۔