مقبوضہ کشمیر میں مبینہ پاکستانی غبارہ ملنے پر سنسنی ،پولیس نے قبضہ میں لے لیا

پسرور(نامہ نگار) مقبوضہ کشمیر کے علاقہ کٹھوعہ کے ہیرا نگر سیکٹر میں واقع گاؤں بھگوانہ چک میں ہوائی جہاز نما ایک غبارہ ملنے پر سنسنی پھیل گئی۔ جس پر فوری طور پولیس کو بلایا گیا پولیس نے غبارہ اپنے قبضہ میں لے لیا جبکہ سکیورٹی ایجنسیاں حرکت میں آگئیں۔ بتایا جاتا ہے کہ مقامی رہائشی کشور کمارصبح 10بجے اپنے گھر کے قریب واقع کھیتوں میں گیا تو وہاں ایک جہاز نما غبارہ پڑا ہوا تھا جس پر پی آئی اے لکھا ہوا تھا جبکہ ساتھ پاکستانی جھنڈا بھی بنا ہوا تھا۔جس پر اس نے فوری طور پولیس کو اطلاع دی۔پولیس نے غبارہ قبضہ میں لے کر تفتیش شروع کردی ہے۔