ثاقب نثار کو پھانسنے والے ٹیپ ٹیپ کھیلتے خود پھنس گئے:عثمان ڈار

28 نومبر ، 2021

سیالکوٹ(نمائندہ جنگ)مشیر وزیر اعظم پاکستان عثمان ڈار نے کہا ہے کہ مریم نواز اچھی آل روانڈ ہیں جو اتنا اچھا کھیلتی ہیں کہ جب بھی ہمیں مشکل درپیش ہوتی ہے یہ ہمارے کام آتی ہیں سابق چیف جسٹس آف پاکستان ثاقب نثار کو جال میں پھانسے والے اور ٹیپ ٹیپ کھیلتے کھیلتے ن لیگی افراد خود پھنس گئے۔ان خیالات کا اظہار انہوں نے ہفتے کے روز جناح اسٹیڈیم سیالکوٹ میں میڈیا سے گفتگو کرتے ہوئے کیا۔انہوں نے کہا کہ یہ سزا یافتہ لوگ ہیں مگر انکو شرم نہیں آتی اب بھی عوام سے خطابات کرتے ہیں یہ وہ لوگ ہیں جنہوں نے میڈیا پرسن کا معاشی قتل کیا یہ جب ہوا جب میڈیا والوں نے انکے ایجنڈے پر کام کرنے سے انکار کیا۔انہوں نے کہا کہ جناح اسٹیڈیم میں سٹیٹ آف آرٹ ہائی پرفارفس سینٹر بنایا جارہا ہے جہاں نہ صرف انٹرنیشنل میچز کا انعقاد کیا جائے گا بلکہ یہاں پی ایل ایس کے میچز کا انعقاد بھی مکمل ہوگا اس سے سیالکوٹ کے نوجوان کو صحت مند سرگرمیوں کی طرف مائل کرکے انکو کامیاب انسان بننے میں مدد دی جاسکے یہی کامیاب نوجوان ہمارے ملک کو کامیابی کی منازل کی طرف لے کر جائیں گے جہاں خوشحالی ہو گی ۔