سرفراز بگٹی کی زیر صدارت پی ڈی ایم اے کمیشن کا فیصلہ ساز اجلاس

کوئٹہ(خ ن) وزیراعلیٰ بلوچستان و چیئرمین پراونشل ڈیزاسٹر مینجمنٹ کمیشن میر سرفراز بگٹی کی زیر صدارت پی ڈی ایم اے کمیشن کا فیصلہ ساز اجلاس وزیراعلیٰ سیکرٹریٹ میں ہوا ۔اجلاس میں ڈائریکٹر جنرل پی ڈی ایم اے جہانزیب خان کی جانب سے ایجنڈا پوائنٹس پر بریفنگ دی گئی، کمیشن نے ژوب ڈویژن میں ڈیزاسٹر مینجمنٹ ویلیجز کے قیام کی اصولی منظوری دیتے ہوئے منصوبے سے متعلق ورکنگ پیپر پیش کرنے کی ہدایت کی جبکہ پی ڈی ایم اے کی امداد و بحالی سرگرمیوں کے لئے علیحدہ سے بجٹ مختص کرنے پر اتفاق کرتے ہوئے صوبائی سطح پر آڈٹ کا فیصلہ کیا گیا، کمیشن نے پی ڈی ایم اے کو محکمہ خوراک کے زیر انتظام سائیلوز کی حوالگی سے متعلق تجویز پر باقاعدہ سمری ارسال کرنے کی ہدایت کی گئی ،کمیشن نے پروانشل ڈیزاسٹر مینجمنٹ اتھارٹی ایکٹ کابینہ کے آئندہ اجلاس میں پیش کرنے کی ہدایت بھی کی، اجلاس میں صوبائی وزیر خزانہ میر شعیب نوشیروانی ،قائد حزب اختلاف میر یونس عزیز زہری، رکن اسمبلی میر ظفر زہری، چیف سیکرٹری شکیل قادر خان، سیکرٹری لائیو سٹاک طیب لہڑی، ڈائریکٹر جنرل پی ڈی ایم اے جہانزیب خان سمیت بورڈ کی ارکان نے شرکت کی۔