ارجنٹائن میں پاکستان کے سابق سفیر ڈاکٹر دیار خان کا انتقال

اسلام آباد (نامہ نگار خصوصی) ارجنٹائن میں پاکستان کے سابق سفیر اور وزارت خارجہ کے سینئر ڈپلومیٹ ڈاکٹر دیار خان جن کا گزشتہ روز اسلام آباد میں انتقال ہوگیا اطلاعات کے مطابق انہوں نے رواں سال مارچ میں 120 ویں نیشنل مینجمنٹ کالج لاہور میں شمولیت اختیار کی تھی جو کہ پروموشن کیلئے لازمی کورس کو مکمل کرنے کیلئے ضروری ہوتا ہے تاہم ان کے اہلخانہ کے مطابق ان کو دل کے عارضے اور آخرکار موت کے عوامل اور محرکات میں نیشنل مینجمنٹ کالج کے افسران بالا کا ان کے ساتھ مبینہ تضحیک آمیز سلوک روا رکھا جانا جونیئرز اور دیگر کولیگز کے سامنے تحقیر کرنا اور مسلسل اذیت پہنچانے کا ماحول رکھنا ان کی موت کا سبب بنا۔