پاکستان اور یو اے ای کے تعلقات مضبوط ہو رہے ہیں‘ احسن بختاوری

اسلام آباد (جنگ نیوز) صدر اسلام آباد چیمبر احسن بختاوری نے کہا ہے کہ پاکستان اور متحدہ عرب امارات کے درمیان تاریخ، مذہب اور ثقافت کی مشترکہ بنیادوں پر مبنی تعلقات مضبوط ہو رہے ہیں۔ یو اے ای ایمبیسی کے ڈپٹی ہیڈ آف مشن محمد سلطان الکیطوب سے گفتگو کرتے ہوئے انہوں نے سیلاب زدگان کیلئے فراخدلانہ امداد کو سراہا۔ یو اے ای کے ڈپٹی ہیڈآف مشن نے کہا کہ متعدد مفاہمتی یادداشتوں پر دستخط کئے گئے ہیں۔ یو بی جی کے سیکرٹری جنرل ظفر بختاوری‘ ایگزیکٹو ممبران رضوانہ چینہ‘ چوہدری مقصود تابش‘ خالد چوہدری‘ ملک ندیم اختر‘ نعیمہ انصاری بھی موجودتھے۔