اسلام آباد( نیوز رپورٹر)وزیرِ اعظم شہباز شریف نے کہا ہے کہ خوش آئند امر ہے کہ حکومت کی کاروبار دوست پالیسیوں کے مثبت نتائج آنا شروع ہو گئے ہیں چین پاکستان کا دیرینہ دوست اور ترقی میں اہم شراکت دار ہے ، بیرونی سرمایہ کاروں اور کاروباری برادری کو ملک میں روزگار کی فراہمی، ملکی برآمدات میں اضافے اور معاشی ترقی میں اپنا بھرپور کردار ادا کرنے کیلئے حکومت ہر قسم کی معاونت فراہم کر رہی ہے۔ ان خیالات کا ظہار انہوں نے مشروبات بنانے والی بین الاقوامی کمپنیوں کے وفد سے گفتگو کے دوران وفد کے ارکان نے وزیرِ اعظم کی قیادت میں حکومت کی کاروبار دوست پالیسیوں پر انہیں خراجِ تحسین پیش کیا۔وزیراعظم نے متعقلہ حکام کو بین الاقوامی کمپنیوں کی تجاویز پر مشاورت کے بعد انکے مسائل کا حل جلد پیش کرنے کی ہدایت کی۔ کوکاکولا پاکستان و افغانستان کے نائب صدر وولکان اونگُچ (Volkan Onguc)، محمد کھوسہ سی ای او پیپسی کو لا پاکستان و افغانستان کی قیادت میں وفد نے ملاقات کی۔ادھرزیر اعظم شہباز شریف نے موذی امراض سے بچاؤ، بہبودِ آبادی اور صحت کے مسائل کے سد باب کیلئے ایک جامع منصوبے کے اجراء کا فیصلہ کیا ہے۔ یہ فیصلہ جمعہ کے روز بین الاقوامی ماہرین کےبچوں کی نشونما میں کمی کے سدباب کیلئے بلا ئے گئے اعلی ٰسطحی اجلاس میں کیا گیا جو وزیر اعظم کی زیرصدارت ا سلام آباد میں ہوا۔ وزیر اعظم نے ا س مو قع پر ہدایت کی کہ بچوں کی نشو نما میں کمی پر قابو پانے کیلئے صوبوں کیساتھ مل کر قومی سطح پر پروگرام شروع کیا جائے،حکومت بچوں کی بہترین نشوونما کیلئے ترجیحی بنیادوں پر اقدامات کرینگے ، وزیرِاعظم نے ہدایت کی کہ صوبائی حکومتوں کو پروگرام کے حوالے سے مشاورت میں شامل،موذی امراض کے سدباب اور انکے پھیلاؤ کو روکنے کیلئے جامع پلان مرتب،آبادی میں اضافے کو روکنے کیلئے بھی ایک لائحہ عمل تشکیل دیا جائے۔ اجلاس میں وزیرِ اعظم کو عالمی بینک کی جانب سے پاکستان میں بچوں کی نشوونما کے حوالے سے اعداد و شمار پر مفصل رپورٹ پیش کی گئی۔ اجلاس کو بتایا گیا کہ پاکستان میں بچوں کی بڑی تعداد کو نشوونما کی کمی کا خطرہ لاحق ہے، بنیادی صحت کی ناکافی سہولیات، ضروری غذائی اجزاء کی کمی، آلودہ پانی کا استعمال، ناکافی صفائی ستھرائی اور نشونما کے حوالے سے آگاہی نہ ہونا بچوں کی نشوونما میں کمی کی بڑی وجوہات ہیں، سد باب کیلئے تجاویز سے بھی آگاہ کیا گیا۔علاوہ ازیں اجلاس کو ٹی بی، ہیپاٹائیٹس، ذیابطیس اور دیگر موذی بیماریوں کے حوالے سے بھی پاکستان کے اعداد و شمار پیش کئے گئے اور انکو روکنے کیلئے تجاویز پیش کی گئیں۔دریں اثناء صنعتی شعبے کو سہولیات کی فراہمی کے حوالے سے منعقدہ اجلاس کے دوران وزیرِ اعظم نے ہدایت کی ہے کہ صنعتی شعبے کو درپیش مسائل کا ترجیحی بنیادوں پر حل تلاش کیا جائے۔اجلاس کے شرکاء سے گفتگو کرتے ہوئے وزیراعظم نے کہا کہ صنعتی ترقی اور برآمدات بڑھانے کیلئے صنعتوں کو کم لاگت پر بجلی و گیس کی فراہمی یقینی بنائیں گے،وزیراعظم نے برآمدی شعبے کی صنعتوں کے لئے ٹیرف ریشنالائیزیشن کے حوالے سے حکمت عملی فی الفور تیار کرنے کی ہدایت کی ۔ ان کا کہنا تھا کہ برآمدی شعبے کی صنعتوں کو سہولیات فراہم کرنا حکومت کی ترجیح ہے۔اجلاس کو صنعتوں و گھریلو صارفین کو فراہم کی جانے والی بجلی کے نرخوں کے حوالے سے بریفنگ دی گئی ۔وزیرِ اعظم محمد شہباز شریف سے چیئرمین وانگ جائیچینگ (Wang Jaicheng) کی قیادت میں چینی کمپنی ایم سی سی ٹونگسن ریسورسز (MCC Tongsin Resources) کے وفد کی چینی کمپنی نے پاکستان میں معدنیات و کان کنی کے شعبے میں اپنی سرمایہ کاری بڑھانے میں گہری دلچسپی کا اظہار کیا. کمپنی نے پاکستان میں منرل پارک بنانے کے حوالے سے وزیرِ اعظم کو تفصیلی بریفنگ دی اور مزید سرمایہ کاری کے منصوبے سے آگاہ کیا.وزیرِ اعظم نے چینی کمپنی کا خیر مقدم کیا اور کہا کہ حکومت ملک میں بیرونی سرمایہ کاری کے اضافے کیلئے ترجیحی بنیادوں پر اقدامات اٹھا رہی ہے. چین پاکستان کا دیرینہ دوست اور ترقی میں اہم شراکت دار ہے. چین نے پاکستان کی ہر برے وقت میں مدد کی جس پر مجھ سمیت پوری قوم چینی قیادت اور چینی عوام کی مشکور ہے.وزیرِ اعظم نےچینی کمپنی کو پاکستان میں معدنیات کے شعبے میں کان کنی سے لے کر برآمدی اشیاء کی تیاری کیلئے سرمایہ کاری کرنے کی دعوت دی
اسلام آ باد ترکیہ کے لیےپاکستانی برآمدات میں گذشتہ مسلسل دو مالی سالوں میں کمی ریکارڈ کی گئی ۔گذشتہ مالی...
لاہوروزیراعلیٰ پنجاب مریم نواز شریف نے ضرورت منداور ناداربے گھر افراد کیلئے 3مرلہ کے مفت پلاٹ دینے کی سکیم کے...
اسلام آباد ترک صدر رجب طیب ایردوان نے صدر مملکت آصف علی زرداری اور وزیراعظم شہباز شریف کو ترک ساختہ الیکٹرک...
کراچی کراچی ایئرپورٹ پر امیگریشن حکام نے گزشتہ 48 گھنٹے کے دوران اسٹوڈنٹ ویزا کے 7 افراد سمیت 86 مسافروں کو...
کراچی سعودی عرب، امارات سمیت مختلف 12 ملکوں سے 131 پاکستانیوں کو گزشتہ 37 گھنٹے کے دوران ڈی پورٹ کردیا گیا۔ جن...
اسلام آ باد سی ایس ایس امتحان 2025 مؤخر کرنے کی درخواست اسلام آباد ہائیکورٹ سے مسترد ہونے کے بعد فیڈرل پبلک...
اسلام آبادترک صدر رجب طیب ایردوان پاکستان کادوروزہ سرکاری دورہ مکمل کر کے واپس چلے گئے ،ترکیہ کے صدر رجب طیب...
اسلام آبادسپریم کورٹ میں نئے مقرر ہونے والے چھ مستقل اور ایک قائم مقام جج کی تقریب حلف برداری آج منعقد ہوگی...