حب‘انڈسٹریل سولر انرجی پارک کی پرپوزل پلاننگ کمیشن کو ارسال

حب (خ ن)وفاقی وزیرتجارت جام کمال خان کے حلقہ انتخاب میں انڈسٹریل سولر انرجی پارک بنانے کی پرپوزل پلاننگ کمیشن کو بھیج دی گئی ،منصوبے کی منظوری کے بعد عملدرآمد کاآغاز ہوگا ایم ڈی لیڈا فریداللہ محمدحسنی نے بریفنگ میں بتایا کہ وزیراعلیٰ کے مشیر صنعت وحرفت میرعلی حسن زہری بلوچستان میں صنعتی شعبے کے فروغ اورترقی کے حوالے سے خصوصی اقدامات اٹھا رہے ہیں ،وفاقی وزیرتجارت جام کمال کے حلقہ انتخاب میں زیروپوائنٹ کے مقام پر گوادر سی پیک شاہراہ سے ملحقہ صنعتی زون میں انڈسٹریل انرجی پارک بنانے کی پراجیکٹ پرپوزل پلاننگ کمیشن کو مشیر صنعت وحرفت نے بھجوادی ہے،انہوں نے بتایا کہ صنعتی مقاصد کیلئے انرجی ضروریات پوری کرنے وزارت انڈسٹریز نے اس پرپوزل کو منظوری کیلئے بھجوایا ہے، منصونے پر لاگت تین ارب روپے آئیگی ، منصوبے کی بدولت اوتھل زیروپوائنٹ صنعتی زون ودیگر پراجیکٹ کیلئے کم لاگت سے انرجی حصول ممکن ہوگا جوپائیدارصنعتی ترقی وخوشحالی کی بنیاد ثابت ہوگا۔