صحت کی بہترسہولیات کیلئے تمام وسائل استعمال کررہے ہیں‘فیصل جمالی

حب (خ ن)صوبائی وزیر صحت فیصل خان جمالی نے کہا ہےکہ صحت کے شعبے میں تبدیلی اور صوبے میں مفت علاج و معالجے کی فراہمی ہمارا نصب العین ہے وزیراعلیٰ سرفرازبگٹی کی خصوصی ہدایت پرمحکمہ صحت بلوچستان میں اصلاحاتی عمل اور غریب مریضوں کو صحت کی سہولیات کی فراہی کے لیے تمام وسائل کو بروکار لا رہے ہیں جام غلام قادر ہسپتال حب کے مسائل حل کرنے کے لئے اصلاحاتی اقدامات اٹھاے جارہے ہیں ان خیالات کااظہار انہوں ہفتے کوجام غلام قادر ہسپتال کے دورے کے موقع پر پیرامیڈیکل اسٹاف اور میڈیکل افسران سے بات چیت کرتے ہوئے کیا صوبائی وزیر نے عالمی ادارہ صحت کی تعاون سے بچوں کی انتہائی نگہداشت یونٹ اور غذائی کمی کے شکار بچوں کی علاج مرکز کا دورہ کیا اور مریضوں سے علاج معالجے کے متعلق معلومات حاصل کیں صوبائی وزیر نے ہسپتال میں صفائی کی صورتحال پر شدید برہمی کا اظہار کیاایم ایس کو صفائی فوری طور پر بہتر بنانے کی ہدایت کی۔