عبدالرحیم مندوخیل نے پشتون قومی تحریک کونئی جہت دی‘پشتونخوانیپ

کوئٹہ ( پ ر ) پشتونخوانیپ کے مرکزی پریس ریلیز میں کہا گیاہے کہ پارٹی کے زیر اہتمام 20 مئی کو پارٹی کے مرحوم رہنما ارواح شاد عبد الرحیم خان مندوخیل کی ساتویں برسی کے حوالےسے میٹرو پولیٹن کارپوریشن کے سبزہ زار میں شام 4بجے جلسہ عام ہوگا جس سے چیئرمین خوشحال خان کاکڑ اور دیگر رہنما خطاب کرینگے بیان میں کہا گیا ہے کہ مرحوم عبدالرحیم خان مندوخیل پشتون قومی سیاسی تحریک کے ایک اہم رہنما تھے جنہوں نے پشتون قومی تحریک اور پارٹی کو ایک نئی جہت دی ہے آج پارٹی ان کے نظریات پر کاربند رہتے ہوئے اس پر عمل پیرا ہے۔دریں اثناء پشتونخو نیشنل عوامی پارٹی کی صوبائی کمیٹی کا اجلاس آج اتوارکو کوئٹہ میں ہوگا اجلاس میں تمام اضلاع کے ممبران صوبائی کمیٹی کے اراکین شرکت کرینگے اور اجلاس میں گزشتہ کارگردگی کا تفصیلی رپورٹ پیش کیا جائے گا اور آئندہ کے لائحہ عمل کے حوالے سے فیصلے کیئے جاینگے۔