ٹریننگ سے فرار ہونے والےلیویز کے 13اہلکار ملازمت سے برطرف

کوئٹہ ( اسٹاف رپورٹر)ڈی جی لیویز فورس نے ٹریننگ سے فرار ہونے والےچار اضلاع کے 13اہلکاروں کو ملازمت سے برطرف کر دیاہے ذرائع کے مطابق ڈی جی لیویز فورس نصیب اللہ کاکڑ کو رپورٹ پیش کی گئی تھی کہ ساڑھے چار ماہ کی ٹریننگ کیلئے بھیجے گئے ضلع سبی ٗ آواران ٗ کچھی اور بارکھان کے 13سپاہی ٹریننگ سے فرار ہو گئے ہیںجس پر ڈی جی نےفرار ہونے والے سبی کےسپاہی محمد اکرم ٗ سپاہی بلاک سحر ٗسپاہی منیر احمد ٗ سپاہی محمد نسیم ٗ سپاہی ثنا اللہ ٗ آواران کے سپاہی جیسم علی ٗ سپاہی سدھیر احمد سپاہی ٗ امداد علی ٗ سپاہی وسیم شریف ٗ کچھی کے سپاہی گہرام ٗ سپاہی غلام دستگیر ٗ بارکھان کے سپاہی سکندر اور سپاہی بہرام خان کو فوری طور پر ملازمت سے برطرف کر دیا ۔