پاکستانی طلباء پر حملہ‘ کرغزستان حکام سے رابطے میں ہیں‘ جمال کاکڑ

کوئٹہ (آئی این پی ) پاکستان مسلم لیگ(ن)بلوچستان کے جنرل سیکرٹری ورکن قومی اسمبلی جمال شاہ کاکڑ نے بشکیک میں پاکستانی طلباء پر حملے پر تشویش کااظہار کرتے ہوئے کہاہے کہ وفاقی حکومت طلباء کو کسی صورت اکیلا نہیں چھوڑے گی ،ان کی حفاظت کیلئے وزیراعظم شہبازشریف اور وزارت خارجہ متحرک ہیں۔بیان میں انہوں نے طلبا پر پر تشدد ہجوم کے حملوں کی رپورٹس کو انتہائی تشویشناک قرار دیتے ہوئے کہاکہ وزیراعظم میاں محمدشہبازشریف اور وفاقی حکومت نے پاکستانی طلباء کے تحفظ کو یقینی بنانے کے لئے کرغز حکام سے رابطہ کیا ہے ۔میں نے کرغزستان میں پاکستان کے سفیر کو انہیں مکمل سہولت فراہم کرنے کی ہدایت کی ہے۔پاکستان کی حکومت نے بشکیک میں طلبہ کے ہاسٹلز کے باہر ہجوم کے تشدد کے بعد پاکستانی طلبہ کو سختی سے ہدایت کی ہے کہ وہ صورتحال معمول پر آنے تک باہر نہ نکلیں۔