مولوی حمیداللہ شاہ کے قاتلوں کو گرفتارکیاجائے‘ سنی علماء کونسل

کوئٹہ (آن لائن) سنی علماء کونسل بلوچستان کے صدر مولانا محمد رمضان مینگل اور عہدیداروں نے نوشکی میں سنی علماء کونسل کے رہنماء مولوی حمید اللہ شاہ کے قتل کی مذمت کرتے ہوئے کہاہے کہ نوشکی انتظامیہ علماء کرام اور عام شہریوں کے تحفظ کو یقینی بنانے میں مکمل طور پر ناکام ہوچکی ہے اس لئے آئے روز نوشکی اور ملحقہ علاقوں میں بد امنی کے واقعات میں اضافہ ہورہا ہے انتظامی آفیسران کے خلاف کارروائی کی جائے انہوں نے کہا کہ سنی علماء کونسل کے رہنماؤں اور جماعت کے ساتھیوں ، علما کرام کو مختلف علاقوں سمیت نوشکی میں بے دردی سے شہید کیا جارہا ہے حکومت سے اپیل کرتے ہیں کہ ان واقعات کا نوٹس لیتے ہوئے مولوی حمید اللہ شاہ کے قاتلوں کو فوری طور پر گرفتار کیا جائے اگر ملزمان کو کیفر کردار تک نہ پہنچایا گیا تو ہم قانونی راستہ اختیار کرنے پر مجبور ہوں گے۔