24 مئی سےعمرہ پرمٹ کا اجرا بند

جدہ(شاہدنعیم) سعودی وزارت حج وعمرہ کا کہنا ہے کہ 24 مئی 2024 سےعمرہ پرمٹ کا اجرا بند کردیا جائے گا جس کا سلسلہ 20 ذوالحجہ تک جاری رہے گا۔وزارت کا کہنا ہے صرف حج پرمٹ رکھنے والوں کو ہی مکہ جانے کی اجازت ہوگی‘۔ وزارت حج وعمرہ کی جانب سے حج سیزن کے حوالے سے عازمین کو ہر ممکن سہولت فراہم کرنے کےلیے اندرون مملکت سے مکہ مکرمہ آنے والوں کے لیے پرمٹ لازمی قرار دیا گیا ہے۔پرمٹ کے بغیر صرف وہ غیرملکی ان دنوں مکہ مکرمہ جاسکتے ہیں جن کا اقامہ مکہ مکرمہ شہر سے جاری کیا گیا ہے۔