اسلام آباد کے مختلف علاقوں میں متعدد وارداتیں

راولپنڈی (سٹاف رپورٹر)اسلام آباد کے مختلف علاقوں میں سرقہ باالجبر ،چوری ،راہ زنی اور نقب زنی کی وارداتوں میں شہری 2گاڑیوں ،10موٹرسائیکلوں ،موبائل فون اور دیگر اشیاء سے محروم ہوگئے ۔تھانہ ترنول کے علاقہ سیکٹر جی 15/3میں دونامعلوم ملزمان رائیڈر پرویز مسیح سے گن پوائنٹ پر اس کاموٹرسائیکل اور موبائل ،تھانہ رمنا کے علاقہ جی ٹین ٹو میں 3نامعلوم ملزمان کاشف سے موبائل اور گھڑی ، تھانہ سبزی منڈی کے علاقہ آئی جے پی روڈ پر2موٹرسائیکل سوار روح اللہ سے موبائل ،تھانہ نون کے علاقہ میں نامعلوم موٹرسائیکل سواراکرام رشید کاموبائل ، ہون گاؤں میں دونامعلوم ملزمان گن پوائنٹ پر رائیڈر ولید خان کاموٹرسائیکل ،موبائل اور نقدی ،تھانہ کھنہ کے علاقہ سروس روڈ پردونامعلوم موٹرسائیکل سوار محمد منیر سے اس کاموبائل ،تھانہ ہمک کے علاقہ ڈھوک اعوان میں لکڑی کے کارخانے میں 3 نامعلوم ملزمان داخل ہوئے جو اسلحہ کی نوک پرکارخانے میں سوئے ہوئے مزدوروں سے 5موبائل اور 30ہزار روپے چھین کر فرار ہوگئے۔ایف ایٹ مرکزمیں سید علی عمادالاسلام ایڈووکیٹ کے آفس کے تالے توڑ کرتمام سامان ،ایف ٹین ون میں ٹرانسفارمر کی کاپر کی تاریں ،ابو بکر پلازہ سیکٹر ایچ 13میں زیرتعمیر مکان سے4موبائل چوری کرلئے گئے ۔