ڈیجیٹل میڈیا اتھارٹی ، یکطرفہ قانون سازی کا ارادہ نہیں ،وزیر اطلاعات

اسلام آباد ( نمائندہ خصوصی)وفاقی وزیر اطلاعات، نشریات، قومی ورثہ و ثقافت عطاءاللہ تارڑ نے کہا ہے کہ حکومت ڈیجیٹل میڈیا اتھارٹی کے قیام کے حوالے سے یکطرفہ قانون سازی کا کوئی ارادہ نہیں رکھتی، اس معاملے پر تمام صحافتی تنظیموں اور پریس کلبوں کو اعتماد میں لیا جائے گا۔ یہ بات انہوں نے نیشنل پریس کلب اسلام آباد کے وفد سے ملاقات کے دوران گفتگو کرتے ہوئے کہی۔وفاقی وزیر اطلاعات نے کہا کہ صحافیوں کے لئے ہیلتھ انشورنس سکیم کا جلد آغاز کر دیا جائے گا، نیشنل پریس کلب کی مستقل بلڈنگ کی تعمیر اور موجود بلڈنگ کی بہتری کیلئے ضروری اقدامات اٹھائے جائیں گے۔ اس موقع پر صدر نیشنل پریس کلب اظہر جتوئی نے کہا کہ حکومت پریس کلب کے مسائل کو ترجیحی بنیادوں پر حل کرے،قائم مقام سیکریٹری نیشنل پریس کلب عون شیرازی نے کہا کہ راولپنڈی اسلام آباد کی صحافتی کمیونٹی کیلئے میڈیا ٹائون فیز ٹو بہت ضروری ہے