شمالی وزیرستان، دہشتگردوں کا فوجی چوکی پر حملہ، 2 جوان شہید

راولپنڈی(جنگ نیوز)شمالی وزیرستان میں دہشت گردوں نے فوجی چیک پوسٹ پر حملہ کر کے 2 جوانوں کو شہید کردیا۔ پاک فوج کے شعبہ تعلقات عامہ (آئی ایس پی آر) کے مطابق دہشت گردوں نے شمالی وزیر ستان دتہ خیل میں ملٹری پوسٹ پر حملہ کیا، حملہ کے دوران دہشت گردوں اور سیکیورٹی فورسز میں شدید فائرنگ کا تبادلہ ہوا۔آئی ایس پی آر کا کہنا ہے کہ فائرنگ کے تبادلے میں 2 جوان شہید ہوئے جن میں 22 سالہ ٹانک کے رہائشی لانس نائیک عارف اور 27 سالہ چترال کے رہائشی لانس نائیک رحمان شامل ہیں۔سکیورٹی فورسز نے علاقے میں سرچ آپریشن شروع کردیا۔