زیادہ شور کرنے سے مائیک نہیں ملے گا‘ کہیں گھر پر ڈالا نہ آجائےسینٹ اجلاس کی جھلکیاں

اسلام آباد (شکیل اعوان، ساجد چوہدری، ناصر چشتی) وقفہ سوالات کے دوران قائم مقام چیئرمین سیدال خان نے اجلاس کی صدارت کی۔ وقفہ سوالات کے بعد شیری رحمٰن نے اجلاس کی صدارت کی۔ شیری رحمٰن نے کہا کہ توجہ دلائو نوٹس پر صرف محرک بول سکتا ہے۔ سینیٹر محسن عزیز نے کہا کہ سینیٹر اعجاز چودری کے پروڈکشن آرڈر کس کی ٹیبل پر پڑے ہیں۔ شور شرابہ کرنے پر پریزائیڈنگ افسر شیری رحمان نے کہا کہ زیادہ شور کرنے سے مائیک نہیں ملے گا۔ سیکرٹری سینٹ ڈپٹی چیئرمین سینٹ کی ہائوس چلانے میں رہنمائی کرتے رہے۔ سینیٹر ڈاکٹر ہمایوں مہمند نے کہا کہ یہاں پر ریلوے سامان چوری ہونے کی بات کی گئی ہے اس ملک میں تو لوگوں کے مینڈیٹ چوری ہو جاتے ہیں۔ ارکان ضمنی سوالوں پر تقاریر کرتے رہے، ڈاکٹر زرقا نے کہا کہ وزیر داخلہ کے بارے میں بات کرنے سے ڈرتی ہوں کہیں میرے گھر پر ڈالا نہ آ جائے۔