علوم ہے رئوف حسن پر حملے کے پیچھے کون ہے،بانی پی ٹی آئی

راولپنڈی (نمائندہ جنگ) بانی پی ٹی آئی عمران خان نے کہا ہے کہ معلوم ہے رئوف حسن پر حملے کے پیچھے کون ہے، ڈنڈے کے ذریعے نظام چلایا جارہا ہے، پرویز الہٰی کی رہائی پر خوش ہوں ، انہیں خراج تحسین پیش کرتا ہوں۔ ملک کے معاشی حالات کی وجہ سے سڑکوں پر نہیں نکل رہے تھے، پارٹی تیار ہو جائے رئوف حسن کے معاملے پر سڑکوں پر نکلیں گےہماری برداشت ختم ہو رہی ہے،رئوف حسن کے معاملے پر ہم سڑکوں پر احتجاج کرینگے، اسمبلی اور بجٹ اجلاس نہیں چلنے دینگے، بنی گالہ کی سڑک توشہ خانہ کے تحائف بیچ کر بنوائی تھی، امریکا کو اجازت ہے کہ وہ حکومت گرا دے ، مجھے یہ اجازت نہیں کہ میں امریکا کی سازش کو بے نقاب کروں،مجھ پر غداری کا بھی کیس چلانا ہے تو چلا لیں ، پھانسی کیلئے بھی تیار ہوں، گزشتہ روز اڈیالہ جیل میں میڈیا سے بات چیت کرتے ہوئے انہوں نے کہا کہ 30 مئی کو سپریم کورٹ میں میرا میچ ہے، انسانوں اور جانوروں کے معاشرے میں فرق ہوتا ہے، انسانوں کا معاشرہ لوگوں کے دل جیت کر چلایا جاتا ہے، بورس جانسن اور ہیرل ملن کو اخلاقی بنیادوں پر حکومتیں چھوڑنا پڑیں، 8 فروری سے پہلے 3 سزائیں دی گئیں ، تمام پروپیگنڈے کے باوجود لوگوں نے ہمیں جتوایا، انہوں نے سمجھا تھا کہ ہم الیکشن سے بھاگ جائینگے،میڈیا کا منہ بند کرنے کیلئے فارم 47 کی وزیراعلیٰ نے عزت کا قانون پاس کر دیا، ملک میں خوف کے ذریعے سب کچھ چلایا جا رہا ہے، پی ٹی آئی کو جلسے تک کی اجازت نہیں دی جا رہی،خیبر پختونخوا میں کسی مخالف پر کوئی کیس کیا یا ہم نے کسی کو جیل میں ڈالا؟۔ بانی پی ٹی آئی نے کہا کہ شہباز شریف کہہ رہا ہے مشکل فیصلے کرنے پڑینگے،مشکل فیصلے تب ہوتے ہیں جب لیڈر قربانیاں خود سے شروع کرے،نواز شریف ، شہباز شریف اور زرداری بیرون ملک رکھے گئے اربوں روپے واپس لے کر آئیں۔ قوم بہت قربانی دے چکی اب قوم پہلے آپ سے قربانی چاہے گی۔