تھر کا کوئلہ پورے پاکستان کی معیشت کا بوجھ اٹھا سکتا ہے، شرجیل میمن

کراچی(آئی این پی)وزیر اطلاعات سندھ شرجیل میمن نے کہاہے کہ سندھ حکومت ہرسیکٹر کو دوبارہ بہتر سے بہتر بنارہی ہے ، تھر کا کوئلہ پورے پاکستان کی معیشت کا بوجھ اٹھا سکتا ہے۔کراچی میں تاجروں سے خطاب کرتے ہوئے وزیر اطلاعات سندھ شرجیل میمن نے کہا کہ پیپلزپارٹی کی حکومت پر ذمہ داری زیادہ ہے، سندھ میں سب سے زیادہ صنعتیں تھیں، تھر کے کوئلے سے بجلی بناکر 200 سال تک ایکسپورٹ کر سکتے ہیں، تھر 3 ہزار میگاواٹ سستی بجلی نیشنل گرڈ کو دے رہا ہے، سندھ کو ماضی میں ٹارگٹ کیا گیا، دھابیجی انڈسٹریل زون واحد ہے جو سی پیک میں شامل کیا جارہا ہے، پبلک پرائیویٹ پارٹنر شپ سے مزید صنعتی زون بنارہے ہیں۔ وزیراطلاعات سندھ نے کہا کہ پچھلے ایک ماہ میں سٹریٹ کرائم 50فیصد سیبھی کم ہوا ہے، لوگوں کے جان و مال کی حفاظت عبادت سے کم نہیں، نگران حکومت کے دور میں سٹریٹ کرائم بڑھے، آج سے 15سال سے پہلے امن وامان کی صورتحال خراب تھی، لوگ قافلوں کی صورت میں سفر کرتے تھے، غیر قانونی تارکین وطن کا چیلنج بھی سب سے زیادہ کراچی ہی برداشت کررہا ہے، نگران حکومت نے بھی غیر قانونی غیر ملکیوں کے مسئلے پر کوشش کی، موجود حکومت بھی غیرقانونی، غیر ملکیوں والے معاملے پر کام کررہی ہے۔ ان کا کہنا تھا کہ سندھ کے حالات منصوبے کے تحت خراب کئے گئے، پہلے بھی امن و امان کی صورتحال بہتر کی،اب بھی نظر آئے گی، سوچی سمجھی منصوبہ بندی کے تحت ایک صوبے کو ٹارگٹ کیا گیا، چیلنجز ہوتے ہیں لیکن انہیں ختم کرنا حکومت کا کام ہے۔