پاکستان کی ترقی و خوشحالی کا راز امن میں ہے،میمونہ شاہ

میرپور(آئی این پی)مسلم لیگ ن خواتین ونگ کی راہنما میمونہ شاہ نے کہاہے کہ پاکستان کی ترقی و خوشحالی کا راز امن میں ہے۔ پاکستان مسلم لیگ ن ملک کو ترقی کی راہ پر گامزن کیلئے کوشاں ہیں انشاءاللہ دن بدن مہنگائی میں بھی کم ہو گی اورملک ایک بار پھر ترقی کی راہ پر گامزن ہوگا۔ پاکستان کی بہادر مسلح افواج ملک کیساتھ ساتھ سرحدوں پر بھی قیام امن کیلئے تاریخی کردار ادا کر رہی ہے۔ کشمیریوں کی منزل پاکستان ہے۔ کشمیر پاکستان کی شہ رگ ہے۔ وطن عزیز قیامت تک قائم ودائم رہے گا۔ پاکستان ایٹمی طاقت ہے۔ دشمن کی زبان بولنے والوں کو سمجھانا چاہتے ہیں کہ ملک کا دفاع مضبوط ہاتھوں میں ہے۔ان خیالات کا اظہار انہوں نے میڈیا نمائندگان سے گفتگو کرتے ہوئے کیا۔ میمونہ شاہ نے کہا کہ کشمیر پاکستان کی شہ رگ ہے کشمیر اور پاکستان کا تعلق یک جان دو قالب ہے قیام پاکستان سے لیکر آج تک مسلح افواج پاکستان ملکی جغرافیائی اور نظریاتی سرحدوں کی محافظ ہے۔ ملک کی سرحدوں کی حفاظت کرنے والوں کو ہم سلام پیش کرتے ہیں۔ پاک فوج ریاست کے دفاع کی ضامن ہے۔ مسلح افواج پاکستان کی قربانیوں کی وجہ ہم چین کی نیند سوتے ہیں۔ پوری قوم مسلح افواج پاکستان کے ساتھ سیسہ پلائی ہوئی دیوار کی طرح کھڑی ہے۔ جنگ ہو یا امن فوج نے ہمیشہ ریاست اور قوم کی حفاظت کیلئے کسی بھی قربانی دینے سے دریغ نہیں کیا۔ ہمیں بحیثیت قوم دشمن کے سازشوں پر نظر رکھنی ہوگی۔ سیاست کے بجائے پہلے ریاست کی حفاظت ہماری قومی ذمہ داری میں شامل ہے۔