پیر مظہر سعید نے وزارت کا حلف اُٹھا لیا

مظفر آباد (اے پی پی)آزاد کشمیر قانون ساز اسمبلی کے رکن پیر مظہر سعید نے وزارت کا حلف اُٹھا لیا۔ صدر آزاد کشمیر بیرسٹر سلطان محمود چوہدری نے پیر مظہر سعید شاہ سے وزارت کا حلف لیا۔ حلف برداری کی تقریب ایوان صدر کشمیر ہاؤس اسلام آباد میں منعقد ہوئی۔ تقریب حلف برداری میں وزیر اعظم آزاد کشمیر چوہدری انوارالحق ،صدارتی مشیر سردار امتیاز خان، سیکرٹری صدارتی امور ڈاکٹر محمد ادریس عباسی سمیت دیگر اعلیٰ حکام نے بھی شرکت کی۔ ایڈیشنل سیکرٹری سروسز بشارت نبی نے پیر مظہر سعید شاہ کی وزارت کا نوٹیفکیشن پڑھ کر سنایا۔