کشمیر پاکستان کی شہ رگ ہے،شر پسند عناصر کی سازشیں ناکام بنائیں گے، نثار ابدالی

کوٹلی /کھوئیرٹہ (آئی این پی)وزیر صحت آزادکشمیر ڈاکٹر نثار انصر ابدالی نے کہا کہ آج کنٹرول لائن کے اس پار مودی کو ایک پھر یہ پیغام گیاکہ کشمیر پاکستان کی شہ رگ ہے ایکشن کمیٹی کے احتجاج کی آڑ میں ان چند شرپسند عناصر کو بھی یہ پیغام دیا کہ کشمیری اپنے بھائیوں کی قربانیوں کو نہیں بھولے جو انہوں نے آزادی کیلئے دی ایسی کسی بھی سازش کو ناکام بنائیں گے جو ریاست کیخلاف بنائی گئی ہو و پاک فوج کو بھی سلام پیش کرتے ہیں جو دن رات ملک پاکستان کے دفاع کیلئے کنڑول لائن پر موجود ہیں آئے دن مادر وطن کے دفاع کیلئے اپنی جانوں کے نذرانے پیش کرتے ہیں، وزیر صحت عامہ آزاد کشمیر نثار انصرابدالی کی قیادت میں کھوئیرٹہ تاندی دفاع واستحکام پاک کشمیر ریلی کا نکالی گئی جس میں نوجوانوں کی بڑی تعداد نے شرکت کی شرکا ریلی نے پاکستان اور آزاد کشمیر کے جھنڈے اٹھا رکھے تھے۔ اور وہ پاک فوج زندہ باد آزاد کشمیر زندہ باد کشمیر بنے گا پاکستان لگا رہے تھے۔