ججز کیخلاف سوشل میڈیا مہم کیس ، جسٹس محسن کیانی کی رخصت ، کاز لسٹ منسوخ

اسلام آباد (آئی این پی )ججز کے خلاف سوشل میڈیا پر مہم کیس ، جسٹس محسن اختر کیانی کی رخصت کی وجہ سے کازلسٹ منسوخ ہوگئی ۔ ذرائع کے مطابق طبیعت ناساز ہونے کے باعث چھٹی پر ہیں ، تین رکنی لارجر بنچ نے جمعرات کو سماعت کرنا تھی ۔ تفصیلات کے مطابق جسٹس محسن اختر کیانی کی طبعیت ناسازی کے باعث رخصت کی وجہ سے ان کی دوروز سے تمام کازلسٹ منسوخ ہوگئی جس میں ججز کے خلاف سوشل میڈیا پر توہین عدالت کیس بھی شامل ہے ۔ جسٹس محسن اختر کیانی کی سربراہی میں تین رکنی لارجر بینچ نے جمعرات کو سماعت کرنا تھی ۔ذرائع کے مطابق جسٹس محسن اختر کیانی طبعیت ناسازی کے باعث چھٹی پر ہیں۔ جسٹس محسن اختر کیانی بدھ کو بھی ناسازی طبیعت کے باعث چھٹی پر تھے جس کی وجہ سے گزشتہ روز بھی ان کی کاز لسٹ منسوخ تھی۔