بلوچستان ہائی کورٹ: عمران خان کے خلاف آرٹیکل 6 کے تحت کارروائی کی درخواست خارج

24 مئی ، 2024

کوئٹہ(صباح نیوز)بلوچستان ہائیکورٹ نے عمران خان کے خلاف آرٹیکل 6 کے تحت کارروائی کی درخواست خارج کردی۔بلوچستان ہائیکورٹ کے چیف جسٹس ہاشم کاکڑ اور جسٹس شوکت رخشانی پر مشتمل بینچ نے بانی پی ٹی آئی عمران خان کے خلاف آرٹیکل 6کے تحت کارروائی کے لیے دائر درخواست پر سماعت کی اورعدالتی دائرہ اختیار میں نہ آنے پر درخواست خارج کی گئی۔بلوچستان ہائیکورٹ میں یہ درخواست وکیل امان اللہ کنرانی کی جانب سے دائر کی گئی تھی جس پر سماعت کے دوران عدالت نے درخواستگزار کے دلائل سننے کے بعد فیصلہ سنایا۔ عدالت نے عمران خان کے خلاف آرٹیکل 6 کے تحت کارروائی کی درخواست خارج کردی جو عدالتی دائرہ اختیار میں نہ ہونے پرخارج کی گئی ہے۔