ڈسکہ دھاندلی رپورٹ پرشہباز شریف کا الیکشن کمشنر کو خط، جس نے خبر لگائی اسکو ماروں گا ، ملزم ڈپٹی ڈائریکٹر کالجز پروفیسر اقبال کلویا

سیالکوٹ (نمائندہ جنگ ) قائد حزب اختلاف میاں شہباز شریف کی جانب سےچیف الیکشن کمشنر سکندر راجہ کو لکھے گئے خط کے حوالے سے ڈسکہ کے حلقہ این اے75 میں دھاندلی کی جاری کردہ رپورٹ میں ذمہ دار افسران میں شامل ڈپٹی ڈائریکٹر کالجز پروفیسر اقبال کلویا نے جنگ کے سوال کے جواب میں کہا ایسے خط لکھے جاتے رہتے ہیں مگر ہاں جس نے خبر لگائی اسکو ماروں گا۔یا د رہے کہ قائد حزب اختلاف میاں شہباز شریف کی جانب سےچیف الیکشن کمشنر سکندر راجہ کو لکھے گئے خط میں مطالبہ کیا کہ ڈسکہ الیکشن چوری کرنے والے افراد کے خلاف کارروائی کی جائے ،سیاسی جماعتوں کی مشاورت کے بعد رولز. ضابطہ اخلاق اور الیکشن ایکٹ میں ترمیم کی جائے تاکہ دوبارہ ڈسکہ الیکشن جیسی بے ضابطگیاں دوبارہ نہ ہوں.