ملک میں جاری گیس کے بحران پر لاہور ہائیکورٹ سے رجوع

لاہور(وقائع نگار خصوصی)ملک میں جاری گیس کی قلت اور بحران پر لاہور ہائیکورٹ سے رجوع کرلیا گیا، پیر کو ابتدائی سماعت ہوگی، مفاد عامہ کی درخواست میں وفاقی حکومت،سیکرٹری منسٹری آف انرجی اینڈ پٹرولیم ڈویژن، اوگرا اور سوئی نادرن گیس کمپنی کو فریق بنایا گیا ہے،درخواستگزار سردار فرحت منظور خان چانڈیو ایڈووکیٹ نے موقف اختیار کیا ہے کہ سردیوں کی آمد کیساتھ ہی شہر میں گیس کی قلت پیدا ہو چکی ہے، شہری مہنگے داموں این ایل جی گیس خریدنے پر مجبور ہیں، حکومت کی ذمہ داری ہے کہ وہ شہریوں کی بنیادی سہولیات کی فراہمی کو یقینی بنائے،حکومت اپنی ذمہ داریاں پوری کرنے میں ناکام ہو چکی ہے، استدعا ہے کہ عدالت گیس کی قلت کے ذمہ داروں کیخلاف بھی کارروائی اور اوگرا سمیت دیگر اداروں کو گیس کی قلت دور کرنے کا حکم دے۔