بانی PTI، انکے کارندے نفرت اور اشتعال پھیلا رہے ہیں،عظمیٰ بخاری

لاہور (نیوز ایجنسی) وزیر اطلاعات پنجاب عظمیٰ بخاری نے کہا ہے کہ بانی پی ٹی آئی اور اس کے سرکردہ کارندے روزانہ کی بنیاد پر نفرت اور اشتعال انگیزی پھیلا رہے ہیں، بانی پی ٹی آئی قوم کی نہیں اپنی چوریاں چھپانے کی جنگ لڑ رہا ہے،بار بار ’’قوم ہمارے ساتھ ہے‘‘کا چورن بیچنا بند کر دیں، پنجاب حکومت اب مزید اس پروپیگنڈے کو پھیلانے کی اجازت نہیں دے گی۔ انہوں نے بیرسٹر سیف کے بیان پر ردعمل کا اظہار کرتے ہوئے کہا کہ بانی پی ٹی آئی کو ملنے والی سہولیات پر دیگر قیدیوں کے بھی اعتراضات آرہے ہیں، سنگین ترین مقدمات میں قید مجرم سے روزانہ ملاقاتوں کی اجازت عدالتیں دے رہی ہیں۔ میاں نواز شریف اڈیالہ جیل اور کوٹ لکھپت جیل میں قید رہے ہفتے میں صرف ایک دن ملاقات کی اجازت ہوتی تھی۔