شجاع آباد،معمولی تلخ کلامی پر شوہر نے چھریوں کے وار سے بیوی کو قتل کردیا

ملتان(سٹاف رپورٹر)شجاع آباد میں معمولی تلخ کلامی پر شوہر نے چھریوں کے وار سے بیوی کو قتل کردیا، کوٹلہ رحمان علی میں ملزمان نے کسی کے وار کر کے ایک شخص کو زخمی کر دیا، تفصیل کے مطابق تھانہ صدر شجاع آبادکے علاقے دربار چوٹیاں شریف کے رہائشی محمد یوسف نے گھریلو جھگڑے پر چھریوں کے وار کرکے اپنی بیوی زینب بی بی کو قتل کردیا اطلاع پاکر پولیس نے جائے وقوعہ پر پہنچ کر مقتولہ کی نعش قبضے میں لیکر ملزم شوہر کو گرفتار کرلیا پولیس کی ابتدائی تفتیش سے معلوم ہوا کہ ملزم نشہ کا عادی تھا جس نے آئے روز گھر میں لڑائی جھگڑا کرنا معمول بنالیا تھا، تھانہ بستی ملوک کے علاقے ممتازحسین اپنے گھر کوٹلہ رحمان علی اڈا لاڑ کے قریب موجود تھا کہ ملزمان محمد خالد دونامعلوم افراد کے ہمراہ آیا اور ممتازحسین سے جھگڑا شروع کردیا جھگڑے کے دوران ملزمان نے کسی کا وار کرکے ممتازحسین کو شدیدزخمی کردیا جسے تشویشناک حالت میں رورل ہیلتھ سنٹر لایاگیا جہاں ڈاکٹر ز نے بہتر علاج معالجہ کے لیئے نشتر ہسپتال ریفر کردیا۔