چوک سرور شہید ، وین اور ٹرالر میں تصادم ، ایک ہی خاندان کے 11افراد جاں بحق ، 12زخمی

چوک سرورشہید،ملتان (نامہ نگار،سٹاف رپورٹر) وین اور ٹرالر میں خوفنا ک تصادم، ہائی ایس وین میں سوار ایک ہی خاند ان کے11 افراد جاں بحق، 12 زخمی، ریسکیو 1122 کے پاس ایک ہی ایمبولینس ہونے کی وجہ سے لوگوں نے اپنی مدد آپ کے تحت مرنے والوں اور زخمیوں کو ٹی ایچ کیو ہسپتال چوک سرورشہید پہنچایا حادثہ این ایچ اے کی جانب سے سڑک کی تعمیر اورپتھر پڑا ہونے کی وجہ سے پیش آیا۔ ملتان سے بھکر جانے والی ہائی ایس وین چوک سرورشہید کے نزدیک اڈہ محمد والا پر ٹرالر سے خوفناک انداز میں ٹکر اگئی جس کے نتیجہ میں ہائی ایس میں موجود ایک ہی خاندان کے 11 افراد صائمہ زوجہ بشیر،زیبا دختر اسلم، محمد اسلم ولد عباد علی، صائم ولد سجاد، شہناز زوجہ اسلم، دلبر حسین ولد نامعلوم، سجاد ولد نامعلوم،نمل ولد شفیق (بچی) عمیر ولد سجاد، حنیفا ں زوجہ جمال دین، حنیفان دلاور دختر دلاور موقع پر جاں بحق ہوگئے جبکہ زخمی ہونے والوں میں علی حیدر، سمیر احمد، جبران، انیسہ، شفیق، رضیہ، فہد، سحر شفیق، شمیم اختر، رضیہ، بینش اسلم،، ورشہ بتول شامل ہیں، زخمیوں اور مرنے والوں کی نعشوں کو ٹی ایچ کیو ہسپتال چوک سرورشہید پہنچایا گیا۔