کرپشن صفر ہوجائے تب بھی پاکستان امیر نہیں ہوسکے گا ، مفتاح اسماعیل

کراچی(اسٹاف رپورٹر)سابق وزیر خزانہ مفتاح اسماعیل نے کہا ہے کہ کرپشن اگر صفر ہوجائے تب بھی پاکستان امیر نہیں ہوسکے گا،کوئی بھی معاشی پالیسی ایسی نہیں جو پاکستان کو ترقی دے سکے، کسی ملک نے بھی پاکستان میں ایسی انویسٹمنٹ نہیں کی جسے استعمال میں لاکر یہاں مصنوعات تیار کرکے برآمدات کی جاتی ہوں، پاکستان میں 20سال وہی سرمایہ کاری آئی جسے پاکستان میں فروخت ہونا ہوتا ہے، مانیٹری اور فسکل حالات درست ہوئے بغیر کوئی ملک پاکستان میں سرمایہ کاری نہیں کریگا۔ ان خیالات کا اظہار انہوں نے ہفتےکو حبیب پبلک المنائی ایسوسی ایشن کے تحت حبیبین ڈائیلاگ سے خطاب کرتے ہوئے کیا۔