شمالی وزیرستان:نامعلوم افراد نے گرلزسکول جلا دیا

رزمک (این این آئی)شمالی وزیرستان میں ایک اور طالبات کے اسکول کو جلا کر علم کی شمع بجھانے کی کوشش کی گئی ہے۔شمالی وزیرستان کے علاقے رزمک میں گرلز اسکول کو رات کے وقت نامعلوم افراد نے آگ لگا دی۔پولیس کے مطابق آگ سے اسکول کیکمپیوٹرز، فرنیچر اور دیگر سامان جل گیا۔ پولیس نے بتایا ہے کہ واقعہ کے بعد ملزمان فرار ہو گئے جن کی تلاش شروع کر دی گئی۔