ینگ پاکستانیزآرگنائزیشن اورشعبہ ہیومن نیوٹریشن زکریا یونیورسٹی کے زیر اہتمام یوم تکبیرپرتقریب اور پاک فوج سے اظہار یکجہتی کیلئے واک

ملتان (سٹاف رپورٹر )28 مئی ملکی تاریخ کا ایک سنہرا روشن باب ہے۔ پاکستان دلیرانہ فیصلے سے ایٹمی طاقت بنا آج پاکستان کا ایٹمی پروگرام صرف پاکستان ہی نہیں بلکہ 57 دیگر اسلامی ممالک کا ایٹمی پروگرام گردانا جاتا ہے۔ان خیالات کا اظہار ینگ پاکستانیز آرگنائزیشن ملتان اور شعبہ ہیومن نیوٹریشن زکریا یونیورسٹی کے زیر اہتمام یوم تکبیر کے سلسلے میں تقریب اور پاک فوج سے اظہار یکجہتی کیلئے واک سے خطاب میں کیا۔ اس موقع پر چیئرمین ڈیپارٹمنٹ ڈاکٹر محمد توصیف سلطان، پروفیسر ڈاکٹر شکیل احمد ، عبدالستار ملک صدر اکیڈمک سٹاف ایسوسی ایشن، صدر ینگ پاکستانیز آرگنائزیشن نعیم اقبال نعیم، واجد رضا، حافظ معین خالد، رشید عباس خان اور ایسوسی ایٹ پروفیسر ڈاکٹر خرم افضل شامل تھے۔ اس موقع پر یوم تکبیر کا کیک کاٹا گیا ۔