وزیر داخلہ شیخ رشید کا پی این ایس ضرارکادورہ،حکام کی بریفنگ

اسلام آباد ( نمائندہ خصوصی)وزیر داخلہ شیخ رشید نے اتوار کو پاکستان نیوی شپ ضرارکا دورہ کیا، پاک بحریہ کے اعلیٰ حکام نے وزیر داخلہ کا پی این ایس ضرارپہنچنے پراستقبال کیا، وزارت داخلہ کی طرف سے جاری بیان کے مطابق وزیر داخلہ شیخ رشید احمد نے جناح نیول بیس بلوچستان کے دورے کے دوسرے روزپاکستان نیوی شپ ضرارکا دورہ کیا، پاک بحریہ کے اعلیٰ حکام نے وزیر داخلہ کو پاک بحریہ کی دفاعی استعداد اور پیشہ ورانہ صلاحیتوں کے مختلف پہلوئوں پر بریفنگ دی، اس مو قع پر وزیر داخلہ کو اوڑمارہ نیول بیس کی جغرافیائی اور سٹرٹیجک اہمیت سے متعلق آگاہ کیا گیا، شیخ رشید احمد نے پاک بحریہ کی دفاعی استعداد اور تیاری پر بھر پوراعتماد کا اظہار کیا، انہوں نے پاک بحریہ کے امن کے حوالے سے کردار کو بھی سراہا۔