مارچ 2022تک حکمرانوں کا دھڑن تختہ ہوجائے گا: شاہد خاقان عباسی

احمدپورشرقیہ ( نامہ نگار)ن لیگ کے مرکزی سینئر نائب صدر اور سابق وزیر اعظم شاہد خاقان عباسی نے (ن) لیگ کے مرکزی ایڈیشنل جنرل سیکرٹری سابق وفاقی وزیر میاں بلیغ الرحمٰن اور ضلعی سینئر نائب صدر سابق ایم پی اے قاضی عدنا ن فرید سے اسلام آباد میں گفتگو کرتے ہوئے کہا ہے کہ مارچ 2022تک حکمرانوں کا دھڑن تختہ ہوجائے گا(ن) ملک میں فسطائی حکومت کے خاتمے اور موجودہ نااہل حکمرانوں کے ناپاک عزائم کے خلاف بند باند ھنے کے لئے دن رات کوشاں ہے اب حکمرانوں کو گھر جانا ہوگا اور ملک میں حقیقی جمہوریت کی بحالی کے لئے عام انتخابات کا انعقاد کرانا ہوگا، ن لیگ ملک کی نظریاتی سرحدوں کی حفاظت ، پارلیمنٹ ، آئین اور قانون کی بالادستی اور عوام کے مفادات کے تحفظ کے لئے پر عز م اور بھر پور کوشش کررہی ہے نااہلوں کی ناکام پالیسیوں کی وجہ سے ملک کا بیشترطبقہ دو وقت کی روٹی سے محروم ہے،تعلیم ، مہنگی کردی گئی ہے مگر قوی امید ہے کہ مارچ 2022تک حکمرانوں کا دھڑن تختہ ہوجائے گا۔