مغلپورہ : پتنگ کی ڈور سے سینما ملازم کی شہ رگ کٹ گئی

29 نومبر ، 2021

لاہور(کرائم رپورٹر) مغلپورہ شالیمار لنک روڈ میں پتنگ کی ڈور سے سینما ملازم کی شہ رگ کٹ گئی۔ اسد مشتاق کالونی کا رہاشی اور گلبرگ میں ایک سینما میں کام کرتا تھا ،ہفتہ کی رات تقریبا اڑھأئی بجے وہ واپس اپنے گھر جا رہا تھا کہ جب وہ شالیمار لنک روڈ پہنچا تو کٹی پتنگ کی ڈور پھرنے سے اسکی شاہ رگ کٹ گئی اور وہ موٹر سائیکل سے نیچے گر گیا اور موقع پر ہی دم توڑ گیا۔ پولیس نے مقدمہ درج کر کے لاش ورثاء کے حوالے کر دی ، ڈی آئی جی اپریشنز احسن یونس نے ایس ایچ او مغلپورہ سعید انور کو معطل کر کے تحقیقات کا حکم دیدیا ۔ وزیر اعلیٰ پنجاب سردار عثمان بزدار نے شہری کے جاں بحق ہونے کے واقعہ پرگہرے دکھ اور افسوس کااظہار کرتے ہوئے لواحقین سے دلی ہمدردی و تعزیت کابھی اظہار کیاہے۔وزیر اعلیٰ نے واقعہ کا نوٹس لیتے ہوئے سی سی پی او لاہور سے رپورٹ طلب کرلی ۔ آئی جی پنجاب نے راولپنڈی، ملتان، فیصل آباد اور گوجرانولہ سمیت بڑے شہروں میں پتنگ فروشوں کے خلاف آپریشن کا حکم دیا ہے۔آئی جی پنجاب لاہور کا کہنا تھا کہ پتنگ بازی پر فیلڈ افسران کے ساتھ سپروائزری افسران کو بھی جواب دینا ہو گا۔