گوجرہ،آتشبازی کے سامان کو آگ لگنےسے نوجوان جھلس کر جاں بحق

گوجرہ(نامہ نگار)آتشبازی کے سامان کو آگ لگنے سے نوجوان جھلس کر جاں بحق ہو گیا۔ چک نمبر 426ج ب کے محمود جٹ کے بیٹے علی جٹ کی بارات گاؤں سے نواحی چک نمبر360ج ب بوبک جارہی تھی کہ بارات میں شامل کیری ڈبہ میں آتش بازی کا سامان شرلیاں رکھ دیں گئیں، گاڑی میں سوار15سالہ خرم مسیح سکنہ 426ج ب نے مبینہ طورپرایک شرلی چلائی جوکہ چل نہ سکی اس نے شرلی کودوبارہ آتشبازی والے تھیلے میں ڈال دیا جو کہ اچانک آتش بازی کے تھیلے میں چل گئی۔زد میں آکر خرم مسیح جھلس کر شدید زخمی ہوگیا جبکہ گاڑی میں سوار دیگر22سالہ دانش سکنہ 297ج ب 30سالہ منظور سکنہ 360 ج ب اور20سالہ واصل سکنہ 426ج ب جھلس کر شدید زخمی ہوگئے۔