ویسٹ انڈیز کا دورہ پاکستان: عمرگل اور محمد یوسف کو اہم ذمے داریاں ملنے کا امکان

29 نومبر ، 2021

لاہور(خبر نگار)ویسٹ انڈیز کے خلاف ہوم سیریز میں بھی پاکستان ٹیم کا عارضی کوچنگ سیٹ اپ ہوگا، پاکستان کرکٹ بورڈ نے تقرریوں کے لئے مشاورت شروع کردی ہے۔ذرائع کا کہنا ہے کہ ویسٹ انڈیز کیخلاف بھی پاکستان ٹیم کا عارضی کوچنگ سیٹ اپ ہوگا، جس کے لئے بیٹنگ اوربولنگ کے عارضی کوچز کی تعیناتی کی جائےگی، معاملے پر پاکستان کرکٹ بورڈن ےتقرریوں کےلئےمشاورت شروع کردی ہے۔ذرائع کا کہنا ہے کہ نیشنل ہائی پر فارمنس سینٹر کےبیٹنگ کوچ محمدیوسف کو عارضی ذمہ داریاں دینےپر غور کیا جارہا ہے جبکہ سابق فاسٹ بولر عمر گل کو وقتی طور پر قومی ٹیم کے ساتھ بولنگ کوچ کی ذمہ داریاں دی جا سکتی ہیں، قومی ٹیم کےمستقل کوچزکےلیےپاکستان کرکٹ بورڈجلداشتہاردےگا۔