بھارتی تاریخ کا تیز ترین ٹرائل، صرف ایک دن کی عدالتی سماعت اور فیصلہ

کراچی ( رفیق مانگٹ) بھارتی تاریخ کا تیز ترین ٹرائل،صرف ایک دن کی سماعت کے بعد عدالت نے فیصلہ سنا دیا گیا۔بھارت میں تیز ترین انصاف فراہم کرنے کا قومی ریکار ڈبن گیا، بہار کی عدالت نے ایک دن کی سماعت کے بعد مجرم کو پچاس ہزار جرمانے کے ساتھ عمر قید کی سزا سنا دی۔بھارتی میڈیا کے مطابق ریاست بہار کے ضلع آراریا کی عدالت نے آٹھ سالہ لڑکی کے ریپ کیس میں مجرم کو عمر قید کی سزا سنائی ۔ یہ فیصلہ جنسی جرائم سے بچوں کے تحفظ ’’ پروٹیکشن آف چلڈرن فرام سیکسوئل او فینسز(پی او سی ایس او) ‘‘کی عدالت کی طرف سے سامنے آیا۔ عدالت کے خصوصی جج ششی کانت رائے نے مقدمے کی سماعت کی، عدالت نے عمر قید بامشقت کی سزا اور پچاس ہزار روپے جرمانہ کیا،اور حکم دیا کہ مجرم متاثرہ خاندان کو سات لاکھ روپے بھی ادا کرے۔