حلقہ کے عوا م نے جو عزت دی وہ مجھ پر قرض ہے،جہانگیر ترین

لودھراں (نمائندہ جنگ)تحریک انصاف کے سینئر رہنما جہانگیر ترین نے کہا ہے کہ اہلیان لودھراں کی فلاح و بہبود کا سلسلہ جاری رہے گا، لودھراں کے عوا م نے مجھے جو عزت دی ہے وہ مجھ پر قرض ہے انکی خدمت سے یہ قرض چکاتارہوں گا۔ سیاست میں آنے سے پہلے لودھراں میں فلاحی کاموں کا سلسلہ شروع کیاتھا جو جاری رہے گا۔یہ بات انہوں نے چک نمبر 46ایم میں حاجی عطاء الرحمان اور چک نمبر 43ایم میں سرگرم پارٹی رہنما اقبال سائنچ کی رہائش گاہ پر کارکنوں سے خطاب کرتے ہوئے کہی۔ جہانگیر ترین نے چک نمبر 43ایم میں نئی ٹربائن نصب کروا کر واٹر سپلائی سکیم کی بحالی کا افتتا ح کردیا۔گزشتہ وزٹ پر چک نمبر 43ایم کے رہائشیوں نے جہانگیر ترین کو واٹر سپلائی کی خرابی کے باعث کئی ہفتوں سے پانی کی عدم دستیابی کے مسئلے سے آگاہ کیاتھا۔ جہانگیر ترین نے چک نمبر 41ایم تارڑاں والی پل پر بھی واٹر فلٹریشن پلانٹ کا بھی افتتاح کیا۔