مائنز سیکٹر میں ضروری سہولیات کی فراہمی ناگزیر ہے‘ گورنر مندوخیل

کوئٹہ(خ ن)گورنر بلوچستان جعفر خان مندوخیل نے کہا ہے کہ مائنگ سیکٹر کو وفاقی سطح پر انڈسٹری کا درجہ دیکر ہی مائنز کے تمام دیرینہ مسائل حل کیے جاسکتے ہیں بلوچستان کے مائنز مالکان کو ضروری سہولیات اور مواقع فراہم کرنے کی اشد ضرورت ہے تاکہ صوبے سے غربت اور بےروزگار کا خاتمہ ممکن ہو سکےدستیاب معدنیات کو ملک اور صوبے کے بہترین مفادات کیلئے بروئے کار لایاجائےان خیالات کا اظہار انہوں نے گورنر ہائوس کوئٹہ میں بہروز حسین ریکی کی قیادت میں مائنز مالکان کے وفد سے بات چیت کرتے ہوئے کیاملاقات میں صوبے میں امن و امان کی صورتحال، مائنز مالکان کے جان ومال کے تحفظ، حکومت کی جانب سے ضروری سہولیات کی فراہمی اور مائنز مالکان کو قرضوں کی فراہمی پر تبادلہ خیال کیا گیا گورنرنے کہا کہ عوام کے جان ومال کا تحفظ حکومت کی ذمہ داری ہے تاجروں، صنعتکاروں اور مائنز مالکان کیلئے تجارت کے نئے مواقع پیدا کرنا اور ہمسایہ ممالک کی تجارتی منڈیوں تک رسائی فراہم کرنے سے نہ صرف صوبے میں مجموعی طور پر زندگی کا معیار بلند ہو گا بلکہ لوگوں کو روزگار کے نئے مواقع بھی میسر ہونگے۔