قائمہ کمیٹیوں کی تقسیم کا معاملہ،PTIکے وفد اور حکومتی ٹیم کے درمیان ملاقات بے نتیجہ ختم

اسلام آباد (صباح نیوز)پی ٹی آئی اور حکومتی ٹیم کے درمیان قائمہ کمیٹیوں کی تقسیم کے حوالے سے ملاقات بے نتیجہ ختم ہوگئی۔پی ٹی آئی کے وفد نے سینیٹ میں قائد ایوان اور ڈپٹی وزیراعظم اسحاق ڈار سے ملاقات کی جس میں شبلی فراز اور پارلیمانی لیڈر بیرسٹرعلی ظفر نے شرکت کی، اس دوران پیپلز پارٹی اور مسلم لیگ (ن)کے پارلیمانی لیڈربھی ملاقات میں شریک ہوئے۔ پی ٹی آئی وفد اور اور قائد ایوان اسحاق ڈار کی قائمہ کمیٹیوں کی تقسیم پر بات چیت بے نتیجہ رہی جبکہ تحریک انصاف اور حکومتی ٹیم نے دوبارہ ملاقات پر اتفاق کیا ہے۔اس موقع پر سینیٹرعلی ظفر نے کہا کہ رولز کے مطابق قائمہ کمیٹیاں تقسیم کریں، امید ہے ہمارا مطالبہ تسلیم کرلیا جائے گا۔