سائفر کیس، عمران، شاہ محمودکی بریت کا فیصلہ سپریم کورٹ میں چیلنج

اسلام آباد(نیوز ایجنسی) ایف آئی اے نے سائفر کیس میں اسلام آباد ہائیکورٹ کے فیصلے کے خلاف سپریم کورٹ میں اپیل دائر کر دی، ایف آئی اے کا کہنا ہے کہ کن بنیادوں پر ملزموں کو بری کیا گیا ہائیکورٹ کے فیصلے میں ظاہر نہیں کیا گیا۔ درخواست میں موقف اختیار کیا کہ اسلام آباد ہائیکورٹ نے بانی پی ٹی آئی اور شاہ محمود قریشی کو سائفر مقدمہ میں بری کیا تھا، پراسیکیوشن نے ثبوت کیس میں مہیا کئے، فرانزک شدہ ڈاکومینٹری ثبوت بھی ٹرائل کے دوران مہیا کئے گئے۔درخواست میں بتایا گیا کہ ہائیکورٹ کا فیصلہ ظاہر نہیں کرتا کہ کن بنیادوں پر ملزموں کو بری کیا گیا، ہائیکورٹ کے فیصلے میں ظاہر نہیں ہوتاکہ پراسیکیوشن کیس ثابت کرنے میں ناکام رہا، ہائیکورٹ نے پراسیکیوشن کے ثبوتوں کو اہمیت نہیں دی۔درخواست میں استدعا کی گئی کہ سائفرکیس میں3جون کو ہائیکورٹ کا دیا گیا فیصلہ کالعدم قرار دیاجائے۔