مراد علی شاہ سندھ کےآئندہ مالی سال کا بجٹ آج پیش کرینگے

کراچی(صباح نیوز) صوبہ سندھ کے آئندہ مالی سال کا بجٹ آج (جمعہ کو ) پیش کیا جائے گا۔ سندھ اسمبلی میں بجٹ اجلاس سہ پہر تین بجے ہوگاوزیراعلیٰ سندھ مراد علی شاہ بجٹ پیش کریں گے۔سندھ کابینہ کا اجلاس آج (جمعہ کو) صبح 9بجے طلب کیا گیا ہے جس میں بجٹ کی منظوری دی جائے گی ، سندھ کا مجموعی بجٹ تخمینہ2300 ارب روپے متوقع ہے، ترقیاتی بجٹ 725 ارب سے زائد رکھے جانے کی تجویز ہے، سندھ کا بجٹ پیپلز پارٹی کے انتخابی منشور پر فوکس ہوگا، صاف پانی کی فراہمی کے منصوبوں پر خطیر رقم رکھنے کی تجویز ہے جبکہ بجلی کو 300یونٹ تک فری کرنے کی تجویز پر عمل درآمد کرانے پر زور دیا گیا ہے۔