انتظامیہ کے مختلف ورکشاپس پر چھاپے،16غیر قانونی رکشے ضبط کرلئے گئے

14 جون ، 2024

کوئٹہ(خ ن)وزیراعلیٰ بلوچستان میر سرفراز بگٹی کے وژن کے مطابق کمشنر کوئٹہ ڈویژن حمزہ شفقات، سیکرٹری ریجنل ٹرانسپورٹ اتھارٹی کوئٹہ منظور احمد اور ایس ایس پی ٹریفک کوئٹہ بہرام خان مندوخیل کی خصوصی ہدایت پر ضلعی انتظامیہ ،ٹریفک پولیس ،آر ٹی اے اور قائد آباد تھانے کے عملے نے قلندر مکان کی مخلتف ورکشاپس پر چھاپہ مار کر16 غیر قانونی رکشے برآمد کرکے ضبط کرلئے جبکہ اس موقع پر رکشہ ٹمپرڈ کرنے والی مشینری بھی قبضے میں لے لی گئی اور مزید کارروائی کے لیے ٹریفک پولیس کے حوالے کردی گئی ۔ ڈی ایس پی ٹریفک شبانہ، ڈی ایس پی ٹریفک سٹی ضمیر الحق،اسپشل مجسٹریٹ عبدالحمیداور سپرٹینڈنٹ حمید اللہ محمد حسنی نے کارروائی کی نگرانی کی۔غیر قانونی رکشہ بنانے والے میکرز کے خلاف کارروائی میں سامان بھی برآمد کیا گیا۔حکام کا کہنا ہے کہ کوئٹہ میں غیر قانونی رکشوں کے چلانے اور انہیں ٹمپرڈ کرنیوالوں کے خلاف سخت کارروائی عمل میں لائی جائے گی کوئٹہ شہر کراچی اور حیدرآباد سے رکشے لاکر ٹمپرڈ کرنے کی شکایات موصول ہو رہی تھیں جس پر کارروائی عمل میں لائی گئی ، شہر میں غیر قانونی رکشے چلانے کی ہرگز اجازت نہیں دی جائیگی رکشوں کو ٹمپرڈ یا پنچ کر کے چلانے والوں اور کرنے والوں کے خلاف کارروائیوں کا سلسلہ جاری رہیگا ۔انہوں نے کہا کہ شہر میں ٹریفک نظام کی بہتری کے لیے غیر قانونی رکشوں سے چھٹکارا حاصل کرنے کی ضرورت ہے۔