لاول بھٹو سے گورنر خیبرپختونخوا، محمد علی شاہ باچہ‘قاسم گیلانی و دیگر کی ملاقاتیں

اسلام آ باد( نیوز رپورٹر)پاکستان پیپلزپارٹی کے چیئرمین بلاول بھٹو زرداری سے پی پی پی خیبرپختونخوا کے صدر محمد علی شاہ باچہ، جنرل سیکریٹری شازی خان، خیبرپختونخوا کے گورنر فیصل کریم کنڈی، کوآرڈینیشن سیکریٹری فرزند علی وزیر، سابق رکن اسمبلی نجم الدین خان اور ہمایوں خان نے گزشتہ روز ملاقات کی اور اس موقع پر صوبے کی سیاسی صورت حال پر بات چیت کی گئی۔ خیبرپختونخوا کے سابق وزیراعلی محمود خان، خیبرپختونخوا اسمبلی کے اراکین ارباب وسیم اور اقبال وزیر، سابق رکن خیبرپختونخوا اسمبلی نادیہ شیر خان، پی ٹی آئی پارلیمنٹرینز کے سابق ٹکٹ ہولڈر اکرام خان، افتخار احمد باچہ اور پی ٹی آئی پرلیمنٹرینز کے صوبائی عہدیدار ملک عابد نور، میاں سید نعیم خانی اور سابق وزیراعلی محمود خان چیئرمین پاکستان پیپلزپارٹی بلاول بھٹو زرداری سے ملاقات کرکے ملکی استحکام کے لئے پیپلزپارٹی کے کردار کو سراہا۔ سابق رکن صوبائی اسمبلی خیبرپختونخوا خالد وقار چمکنی نے بھی چیئرمین بلاول بھٹو سے ملاقات کے بعد پی پی پی میں شمولیت کا اعلان کیا۔ملتان سے نو منتخب رکن قومی اسمبلی قاسم گیلانی نے بھی زرداری ہاوس میں چیئرمین بلاول بھٹو زرداری سے ملاقات کی۔